Pinoy Entertainment at iba pa...

Entertainment Today

Katawan ni Polo, ginamit ni Ara

(ABU TILAMSIK)

---

Kinumpirma ni Ms. Malou Choa Fagar ng Eat Bulaga na nag-resign na si Gladys Guevarra bilang isa sa co-hosts sa naturang variety-noontime show.

Nagpadala si Gladys ng resignation letter at tinanggap nila ito. Ilang beses kong kinulit si Gladys para kunan ng pahayag pero nakiusap siyang huwag muna.

Nangako siyang magbibigay siya ng statement pagkatapos niyang makausap si G. Tony Tuviera.

Tinanong ko si Joey de Leon sa Startalk nu’ng Sabado, hindi pa raw niya alam, kaya ang daming naglabasang posibleng dahilan ng pag-alis ni Gladys.

Ang isa sa mga narinig kong kuwento ay ang karakter niyang Chuchay na hindi raw payag ang mga taga-Eat Bulaga na gamitin ito sa Magic Kamison, ang bagong programa sa GMA 7 na isa si Gladys sa mga bida.

Kung nagtsu-Chuchay daw ito sa Bulaga, dapat hindi napapanood sa ibang programa.

Ang isa pang narinig kong dahilan ay si Janno Gibbs na gusto na raw iwasan ni Gladys.

Kahit noong nasa Europe si Janno ay panay raw ang text kay Gladys na ipino-forward daw ng huli kay Bing Loyzaga.

Meron ding isa pang bersyon na kaya umalis na lang si Gladys ay dahil sa hindi na raw niya ma-take na nakakasama pa niya sa Eat Bulaga ang isa sa miyembro ng EB Babes (hindi ko lang sure kung si Lian ba ‘yun) na nali-link din kay Janno.

Nagkaroon pa raw ng isyung sinugod daw ni Gladys itong taga-EB Babes, at nag-comment pa raw ang Bing ng, "Bakit, siya ba ang asawa?"

Maaring mali ang lahat na mga kuwentong iyun, kaya hinihintay kong magsalita si Gladys para malinaw kung ano ang tunay na dahilan ng pag-alis niya sa Eat Bulaga.

Ilang beses kong na-interview si Gladys at madalas niyang sinasabi kung gaano kahalaga sa kanya ang Eat Bulaga at sinasabi pa nga niyang kahit matanda na siya, hangga’t kailangan siya ng Eat Bulaga ay hindi siya aalis.

Malalim ang dahilan ng desisyon niyang pag-alis, kaya sana marinig ko mula sa kanya kung ano ang totoong dahilan.

***

Isa sa nanghihinayang sa break-up nina Oyo Sotto at Angel Locsin ay si Danica Sotto na nakiusap na huwag muna siyang interbyuhin tungkol dun.

Mahal daw niya si Angel at isa siya sa umaasang magkakabalikan ang dalawa.

Alam daw niya walang third party involved at nandiyan pa rin ang pagmamahal sa isa’t isa kaya pwedeng magkaayos ang dalawa.

Matagal bago nakapagsalita ang ama ni Angel na si Angel Colmenares nang kinunan ko ito ng mensahe para kay Oyo. Ayaw na sana niyang magbigay ng comment pero nagsalita na ring sana, manatiling magkaibigan sina Angel at Oyo kahit break na sila.

***

Ang katawan ni Polo Ravales ang ginamit ni Ara Mina sa pictorial ng concert niyang Loving Ara na gaganapin sa Araneta Coliseum sa Pebrero 3.

Kaya biro ni Ara, ginamit lang niya ang katawan ng boyfriend.

Kinunan ng Startalk ng sagot si Polo Ravales tungkol sa di pagkasali nito sa concert ng singer/actress at halatang disappointed ito.

Walang siyang ibinigay na mensahe kay Ara kaya nakakadudang may problema ang dalawa.

Inamin ni Ara na hindi maganda ang long-distance affair dahil naranasan nila ito sa ngayon.

Napag-usapan nila ito ni Polo pero mahalaga pa rin kasi sa kanila ang trabaho kaya bihira na lang sila nagkikita.

Nandiyan pa rin ang pag-asang magkaayos sila at mapag-usapan kung merong problema sa kanilang relasyon.

Tungkol sa concert ni Ara, hindi pa nila na-finalize ang line-up kaya baka kasali na rin si Polo kapag tapos na raw nila ang repertoire.

Sakaling hindi kasali sa guests si Polo, welcome itong manood.

Ang bagong foundation ni Ara ang beneficiary ng concert niyang ito at kasabay na rin ng selebrasyon ng kanyang 15th anniversary sa showbiz.

***

Narito ang overnight ratings ng mga programa ng GMA 7 at ABS-CBN 2 noong HUWEBES (Enero 4):

SiS 14.9% vs. Homeboy 11.6%;

Yellow Handkerchief 22.5% vs. Game Ka Na Ba 19%;

Eat Bulaga 26.2% vs. Wowowee 22.9%;

Daisy Siete 21.2%, Makita Ka Lang Muli 18.1% at Kapuso Movie Festival 21.6% vs. Kapamilya Cinema 15.6%;

Jewel in the Palace 18.7% vs. Pangako sa ‘Yo 15.1%;

24 Oras 29.7% vs. TV Patrol 24.9%;

Captain Barbell 31% vs. Deal or No Deal 29.3%;

Atlantika 27.7% vs. Super Inggo 28.8%;

Starstruck 24% vs. Maging Sino Ka Man 28%;

Bakekang 27.6% at A Rosy Life 27.8% vs. Princess Hours 21.7%;

Magpakailanman 20.2% vs. Bandila 11.3%.

More on this article>>

---

Ang website na ito ay kasapi ng tambayanwebbers
www.paluantambayan.bravehost.com
www.tambayanii.bravehost.com
www.pinoyentertainment.co.nr

Byahe Tayo!